Vlerat e Omega-3, Omega-6 dhe Omega-9 në mirëmbajtjen e shëndetit
Omega-3, 6 dhe 9 janë yndyrna me rëndësi thelbësore për mirëqenien e shëndetit, të cilat në gjuhën popullore i njohim edhe si “vaj peshku”. Është akoma më e rëndësishme t’i marrim ato në sasinë dhe raportet e duhura, sepse organizmi i njeriut nuk arrin t’i prodhojë. Shoqata Amerikane e Zemrës sugjeron 2 vakte peshk në javë, gjë që fatkeqësisht nuk është gjithmonë e arritshme.
Omega-3
Ekzistojnë 3 lloje të ndryshme Omega-3:
- EPA: Ul inflamacionin dhe ndihmon në menaxhimin e simptomave të depresionit.
- DHA: Përbën 8% të peshës së trurit dhe mbështet zhvillimin e trurit dhe funksionet e tij.
- ALA: Ai nëpërmjet proceseve metabolike shndërrohet në EPA dhe DHA dhe se si proces nuk ëshë shumë eficient. ALA mbështet shëndetin e zemrës, sistemin imunitar dhe atë nervor.
Omega-3 është përbërja kryesore e membranës qelizore, madje ka edhe funksione të tjera:
- Mbështet shëndetin e zemrës. Omega-3 ndihmon në menaxhimin e kolesterolit, triglicerideve dhe presionit arterial.
- Mbështet shëndetin mendor. Omega-3 menaxhon, ose parandalon depresionin, simptomat e parkinsonit, etj.
- Ndihmon në zvogëlimin e peshës. Omega-3 ndihmon në menaxhimin e peshës.
- Ndihmon në zvogëlimin e masës dhjamore në mëlçi.
- Mbështet zhvillimin e trurit tek foshnjet. Omega-3 mbështet zhvillimin e foshnjes, që kur është fetus.
- Lufton inflamacionin. Omega-3 ndihmon në menaxhimin e inflamacionit, që shoqëron sëmundjet kronike.
Një regjim ushqimor i varfër në OMEGA-3, nxit shfaqjen e sëmundjeve kronike si artriti reumatoid, diabeti, ateroskleroza etj.
Ushqime të pasura me Omega-3
Peshqit e yndyrshëm janë burimi kryesor i Omega-3. Të tjera burime janë vajrat e algave, fara bimësh dhe arra të ndryshme. Shembuj janë salmoni, sardelet, açugat, farat chia, farat e lirit, arrat,etj.
Omega-6
Funksioni kryesor i Omega 6 është të prodhojë energji. Forma më e zakonshme e Omega 6 është Acidi Linoleik, të cilin organizmi ynë e kthen në Acid Arakidonik. Njësoj si EPA, edhe Acidi Arakidonik metabolizohet. Metabolitët e tij kanë rol kyç në mirëmbajtjen e sistemit imunitar. Disa Omega-6 ndihmojnë në menaxhimin e simptomave të sëmundjeve kronike si dhe në uljen e masës dhjamore.
Ushqime të pasura në Omega-6
Vajrat bimore dhe ushqimet e gatuara në to janë burimi kryesor i Omega-6. Të tjera burime janë fara dhe arra të ndryshme. Shembuj janë soja, vaji i misrit, majoneza, arrat, farat e lulediellit, bajamet, kasjus, etj.
Omega-9
Acidi Oleik është forma më e zakonshme e Omega-9 në dietën tuaj. Në një studim të kryer në vitin 2015 u zbulua se një dietë e pasur me Omega 9 mund të përmirësojë ndjeshmërinë ndaj insulinës dhe të uli inflamacionin në organizmëm.
Ushqime të pasura në Omega-9
Vajrat bimore arrat dhe farat janë burimi kryesor i Omega-9. Shembuj ushqimesh të pasura në Omega-9 janë vaji i ullirit, vaji i kasjus, vaji i bajames, vaji i avokados, vaji i kikirikut, kasjus, arrat, etj.
A duhet të shtoj në dietën time ushqimore suplemente me Omega-3 Omega-6 dhe Omega-9?
Patjetër që po! Një dietë, në të cilën Omega-3-6-9 është në balancën e duhur, ka shumë përfitime shëndetësore lidhur me shëndetin e zemrës, ekuilibrin e niveleve të kolesterolit në gjak, dhe me shëndetin mendor. Kush mendon se e balancon dot marrjen e Omega-3 Omega-6 dhe Omega-9 nëpërmjet regjimit ushqimor, mund të zgjedhë një suplement i cili përmban vetëm Omega-3.
Zgjidhni suplementin me vaj peshku, që i përshtatet më shumë dietës tuaj! Blini online dhe përfitoni nga uljet! Suplementet me Omega-3 mund t’i gjeni në seksionin Vitamina & Suplemente, tek ndarja Omega & Vaj peshku, ose klikoni këtu:
https://www.ditenate.al/produktet/vitamina-suplemente/omega-vaj-peshku