Kushtet e Përgjithshme të Shitjes

Njohja e Kushteve të Përgjithshme të Shitjes

Kushtet e Përgjithshme të Shitjes konsiderohen të njohura nga Klienti në momentin e kryerjes së blerjes. Për rrjedhojë, çdo porosi nënkupton pranimin e plotë dhe pa rezerva të këtyre kushteve.

Këto Kushte të Përgjithshme të Shitjes mund të përditësohen ose ndryshohen në çdo kohë nga Ditë e Natë Shpk e cila do t’i komunikojë ndryshimet përmes kanaleve zyrtare të komunikimit me klientët.

Objekti i Kontratës

Oferta dhe shitja e produkteve përmes faqes së internetit përbëjnë lidhjen e një kontrate në distancë ndërmjet Ditë e Natë Shpk dhe Klientit, në përputhje me Ligjin nr. 9902, datë 17.04.2008 “Për Mbrojtjen e Konsumatorëve”, i ndryshuar, si dhe me Ligjin nr. 10128, datë 11.05.2009 “Për Tregtinë Elektronike”, i ndryshuar.

Kjo kontratë rregullon marrëdhënien kontraktuale që krijohet në momentin e përfundimit të porosisë nga Klienti përmes faqes së internetit.

Subjekti Shitës

Subjekti që ushtron aktivitetin e shitjes online është Ditë e Natë Shpk , e cila operon në përputhje me legjislacionin shqiptar në fuqi për tregtimin e produkteve farmaceutike dhe parafarmaceutike.

Të dhënat e plota të subjektit, përfshirë emërtimin, adresën, NIPT-in dhe informacionin e kontaktit, janë të publikuara në seksionin përkatës të faqes së internetit.

Pranimi i Porosisë dhe Përfundimi i Kontratës së Shitjes

Karakteristikat kryesore dhe çmimi i secilit produkt të ofruar për shitje në faqen e internetit (në vijim “Produkti” ose “Produktet”) paraqiten në faqen përkatëse të çdo Produkti.

Për blerjen e Produkteve, Klienti mund të zgjedhë të kryejë porosinë:

duke u regjistruar në faqe, ose
si përdorues vizitor (pa regjistrim),

duke plotësuar dhe dërguar formularin e porosisë në formë elektronike, sipas udhëzimeve të parashikuara në faqen e internetit.

Klienti duhet të shtojë Produktin në Shportë, të plotësojë të dhënat e nevojshme për dorëzim dhe, nëse është e aplikueshme, për faturim, të zgjedhë mënyrën e pagesës dhe të konfirmojë porosinë vetëm pasi të ketë lexuar Kushtet e Përgjithshme të Shitjes dhe Politikën e Privatësisë, duke deklaruar pranimin e tyre.

Me dërgimin e porosisë përmes faqes së internetit, e cila përbën propozim kontraktual, Klienti deklaron se ka marrë njohuri për të gjitha informacionet e ofruara gjatë procedurës së blerjes dhe se pranon plotësisht Kushtet e Përgjithshme të Shitjes dhe kushtet e pagesës.

Kontrata e shitjes konsiderohet e përfunduar në momentin e pranimit të porosisë nga Subjekti Shitës, i cili i komunikohet Klientit përmes një email-i konfirmimi. Ky email përmban:

numrin e porosisë,
të dhënat e dorëzimit dhe faturimit,
listën e Produkteve të porositura me karakteristikat kryesore,
çmimin total të porosisë, përfshirë shpenzimet e dorëzimit.

Produktet dhe Çmimet e Shitjes

Të gjitha çmimet e shitjes së produkteve të paraqitura në faqen e internetit janë të shprehura në lekë dhe përfshijnë TVSH-në dhe çdo taksë tjetër të zbatueshme, ndërsa shpenzimet e dorëzimit nuk janë të përfshira dhe paraqiten veçmas gjatë procesit të porosisë.

Çmimet dhe informacioni i publikuar për produktet përbëjnë ofertë publike në përputhje me legjislacionin shqiptar në fuqi.

Paraqitja vizuale e Produkteve në faqen e internetit, kur është e disponueshme, shërben vetëm për qëllime ilustruese dhe zakonisht përputhet me imazhin fotografik të bashkëngjitur përshkrimit të Produktit. Kuptohet se imazhet kanë karakter orientues dhe mund të mos përfaqësojnë në mënyrë të përkryer karakteristikat reale të Produktit, duke qenë të mundshme ndryshime të vogla në ngjyrë, përmasa ose detaje të tjera.

Mënyrat e Dorëzimit

Shërbimi i dorëzimit ofrohet brenda territorit të Republikës së Shqipërisë përmes korrierëve të autorizuar, të përzgjedhur nga Subjekti Shitës, në varësi të zonës së dorëzimit dhe llojit të porosisë.

Subjekti Shitës rezervon të drejtën të ndryshojë operatorin e dorëzimit për arsye logjistike, pa cenuar afatet dhe cilësinë e shërbimit ndaj Klientit.

Shpenzimet e Dorëzimit

Shpenzimet e dorëzimit janë 300 lek TVSH e përfshirë, dhe shfaqen veçmas gjatë procesit të përfundimit të porosisë.

Garancia për Mospërputhje të Produktit

Në rast të mospërputhjes ose defekteve të Produktit, Klienti duhet të kontaktojë Shërbimin e Kujdesit ndaj Klientit brenda 24 oreve nga marrja ne dorezim e porosise përmes kanaleve të kontaktit të publikuara në faqen e internetit.

Të gjitha produktet e shitura janë të mbuluara nga:

garancia ligjore për mospërputhje, me afat 24 muaj nga data e dorëzimit të Produktit, në përputhje me Ligjin nr. 9902, datë 17.04.2008 “Për Mbrojtjen e Konsumatorëve”, i ndryshuar;
si dhe, kur është e aplikueshme, nga garancia tregtare e prodhuesit.

Për të përfituar nga shërbimi i garancisë, Klienti është i detyruar të ruajë dokumentin fiskal të blerjes (faturë ose kupon tatimor).

Gabime dhe Kufizime të Përgjegjësisë

Informacionet lidhur me Produktet e publikuara në faqen e internetit përditësohen në mënyrë të vazhdueshme. Megjithatë, nuk mund të garantohet mungesa absolute e gabimeve, pasaktësive apo lëshimeve, për të cilat Subjekti Shitës nuk mban përgjegjësi, përveç rasteve të qëllimit të drejtpërdrejtë ose neglizhencës së rëndë, në përputhje me legjislacionin në fuqi.

Subjekti Shitës rezervon të drejtën të korrigjojë gabime, pasaktësi ose lëshime, si dhe të modifikojë ose përditësojë informacionet në çdo kohë, edhe pas dërgimit të porosisë, pa njoftim paraprak, duke respektuar gjithmonë të drejtat e Klientit sipas Kushteve të Përgjithshme të Shitjes dhe legjislacionit shqiptar për mbrojtjen e konsumatorit.

Me përjashtim të rasteve të qëllimit të drejtpërdrejtë ose neglizhencës së rëndë, përjashtohet çdo e drejtë e Klientit për dëmshpërblim ose kompensim, si dhe çdo përgjegjësi kontraktore ose jashtëkontraktore për dëme direkte apo indirekte ndaj personave dhe/ose sendeve, që mund të lindin nga mospranimi ose mospërmbushja, edhe pjesërisht, e një porosie.

Produktet dhe përmbajtja e publikuar në faqen e internetit (përfshirë, por pa u kufizuar në: tekste, imazhe, fotografi, grafika, përshkrime dhe materiale shoqëruese) kanë karakter informues dhe nuk përbëjnë reklamë apo këshillë profesionale. Këto përmbajtje shërbejnë vetëm për informimin e Klientit në fazën para blerjes lidhur me produktet e ofruara për shitje.

Në rast se, gjatë dorëzimit, paketa paraqitet e dëmtuar, e lagur ose e manipuluar, Klienti këshillohet të pranojë dërgesën me rezervë ose të refuzojë pranimin, për të mundësuar hapjen e një procedure verifikimi me korrierin. Pranimi i paketës pa rezervë nënkupton marrjen e përgjegjësisë për integritetin e përmbajtjes dhe përjashton pretendimet për rimbursim ose dëmshpërblim ndaj Subjektit Shitës.

Kthimi ose Refuzimi i Porosisë

Kushtet për Kthimin ose Refuzimin e Porosisë

Klienti ka të drejtë të kërkojë kthimin ose refuzimin e porosisë, pa dhënë arsye, brenda 14 (katërmbëdhjetë) ditëve kalendarike nga data e marrjes në dorëzim të porosisë, në përputhje me Ligjin nr. 9902, datë 17.04.2008 “Për Mbrojtjen e Konsumatorëve”, i ndryshuar.

Kthimi ose refuzimi i porosisë zbatohet vetëm për porosinë në tërësinë e saj dhe nuk mund të ushtrohet pjesërisht.

Produkti duhet të jetë:

i papërdorur,
i paprekur dhe në gjendje të plotë,
i kthyer në paketimin origjinal, i kompletuar në të gjitha pjesët e tij (përfshirë fletëudhëzimin, kutinë, aksesorët apo materialet shoqëruese).

Procedura e Kthimit të Porosisë

Shpenzimet e transportit për kthimin e porosisë janë në ngarkim të Klientit. Kthimi duhet të kryhet përmes një metode transporti të gjurmueshme, e zgjedhur nga Klienti.

Dërgesa e produktit, deri në momentin e konfirmimit të marrjes në magazinë, mbetet nën përgjegjësinë e plotë të Klientit.

Në rast se produkti dëmtohet gjatë transportit të kthimit, Subjekti Shitës do ta njoftojë Klientin brenda ditës së parë të punës nga marrja e produktit, për t’i dhënë mundësinë të paraqesë ankesë ndaj korrierit të zgjedhur. Në këtë rast:

kërkesa për kthim/refuzim anulohet,
produkti i rikthehet Klientit,
shpenzimet e transportit janë në ngarkim të Klientit.

Subjekti Shitës nuk mban përgjegjësi për dëmtime, humbje apo vjedhje të produkteve të kthyer me dërgesa të pasiguruara.

Verifikimi i Porosisë dhe Humbja e së Drejtës për Kthim

Pas mbërritjes në magazinë, porosia i nënshtrohet verifikimit për të vlerësuar:

integritetin e produkteve,
kompletimin e porosisë,
rreziqe të mundshme shëndetësore si pasojë e përdorimit ose ruajtjes së papërshtatshme.

E drejta për kthim ose refuzim humbet në rastet kur konstatohet:

mungesa e paketimit origjinal dhe/ose aksesorëve,
dëmtim i produkteve për shkaqe që nuk lidhen me transportin,
përdorim ose konsum i produkteve,
tejkalim i afateve ligjore.

Në këto raste, porosia i rikthehet Klientit, me shpenzimet e transportit në ngarkim të tij.

Përjashtime nga Kthimi ose Refuzimi i Porosisë

Në përputhje me legjislacionin shqiptar në fuqi, nuk lejohet kthimi ose refuzimi i:

produkteve mjekësore SOP ose OTC,
pajisjeve mjekësore,
produkteve ushqimore,
produkteve që, për arsye higjienike ose shëndetësore, nuk mund të kthehen pas hapjes.